الحب في الجامعة

موضوع: الحب في الجامعة الأحد أبريل 04, 2010 11:31 pm

ما هو حكم حب الولد للبنت؟ وحكم حب البنت للولد في
الجامعة؟

الجواب :
مش عارف ليه قيد نفسه بالجامعة؛ الولد ممكن يحب البنت
والبنت تحب الولد قبل الجامعة وبعد الجامعة، وبيقول: خاصة إذا كان دون
معرفة الأب والأم.

أنت الآن تسأل عن حاجة اجتماعية ودينية؛ أما من
ناحية الدين فالحب بتاع ربنا ما نقدرش نمسكه ولا نعمل فيه حاجة، وده الجانب
الديني اللي في المسألة. الحب نادر في الأيام اللي إحنا فيها دي، ولذلك
فالإنسان لما يحب فده حاجة عظيمة وجميلة، وحب الولد للبنت وحب البنت للولد
ربنا خلقه في قلوبنا، ولذلك مش هنقدر نتحكم فيه.

ومن الجانب
الاجتماعي فإن هذا الحب بنخبيه عن الناس؛ خاصة الأب والأم، وهنا بنبدأ
نفسيتنا تتغير ومش بنبقى صادقين مع أنفسنا ولا فيه شفافية ولا فيه حاجة
حلوة كده عايشينها بوضوح.

ولذلك أنا بانصح أولادي إنهم يبقى عندهم
من الصراحة والشفافية ما يجعلهم يفصحون عن هذا الحب؛ فإن الإثم -كما قال
رسول الله صلى الله عليه وسلم- "ما حاك في القلب وخفت أن يطلع عليه الناس"؛
يبقى ده حاجة غلط، غلط إنك تخبي عن الناس، ولذلك فاللي يحب لازم يعلن عن
حبه.